Cawsom y pleser pur o ymweld â Threherbert yn ddiweddar i gwrdd â’r tîm ysbrydoledig yn Welcome to Our Woods, ac aethom adref yn llawn egni, gobaith ac edrychwn ymlaen yn fawr at y gwaith sydd i ddod.
Wedi’i leoli yng nghalon Cwm Rhondda, mae Treherbert yn gartref i cwmni datblygu cymunedol arweiniol yn y gymuned sy’n gwneud pethau rhyfeddol – nid yn unig dros yr amgylchedd, ond hefyd dros bobl, sgiliau a threftadaeth. Yn ystod ein hymweliad, cawsom gyfle i glywed am y prosiectau ac amrywiaeth o bartneriaethau arloesol, ac mae’n amlwg mai dyma le ble mae creadigrwydd a gofal dros y tir yn mynd law yn llaw.
Rydym yn edrych ymlaen yn fawr at weithio gyda’r tîm ar hyfforddiant sy’n gysylltiedig ag adfer dau adeilad hanesyddol allweddol yn y dref. Mae cefnogi adfywio sy’n seiliedig ar dreftadaeth yn greiddiol i’n gwaith, ac mae’n wych gweld hyn yn digwydd mewn cymuned falch ac wydn fel Treherbert.
Yn ogystal ag edrych ar yr hyfforddiant treftadaeth, bu’n hynod ddiddorol dysgu mwy am waith ehangach Welcome to Our Woods. Roedd y cysylltiadau gyda Coleg y Mynydd Du a'r cyrsiau tir-seiliedig yn ysbrydoledig iawn, ynghyd â'r gwaith creadigol gyda Precious Plastics, ac arloesedd o ran biochar, sy’n cyfuno cynaliadwyedd a gwyddoniaeth mewn modd mor gyffrous.
Roedd yr ymweliad hwn yn ein hatgoffa o bŵer gweithredu gwreiddiedig yn y gymuned. Allwn ni ddim aros i fod yn rhan o'r bennod nesaf yma a chefnogi datblygiad sgiliau treftadaeth yn Nhreorci ochr yn ochr â’r tîm arbennig hwn.
Cadwch lygad allan!
